Luchdaich sìos Pasgan Digiteach agus Templates bhon cho-labhairt
Tha An Comunn Gàidhealach fìor thoilichte a ràdh gun tèid co-labhairt air a bheil “Na Mòdan Ionadail - An-diugh agus an t-Àm ri teachd” a chumail 24 Gearran, 10m-5f, ann an Inbhir Nis aig Cùirt an Easbaig. Air an latha, gheibhear cothrom còmhradh a dhèanamh air mar a thathas a’ brosnachadh agus a chomharrachadh na Mòdan Ionadail. Tha sinn cuideachd gu mòr airson taic a thoirt do chomataidhean na Mòdan ‘s bithear a’ cnuasachadh air na rudan a tha ag obair gu math dhuibh agus na dùbhlain a dh’ fhaodadh a bhith an luib na h-obrach. Thathas an dùil gum bi an tachartas seo feumail gus leasachadh agus piseach a thoirt air na Mòdan sna bliadhnaichean ri thighinn. Bidh prògram inntinneach ann air an latha, làn fiosrachaidh, agus a’ gabhail a-steach chuspairean leithid “Maoineachadh”, “Mòdan agus an t-Eadar-Lìon” agus “Dòighean Breithneachaidh aig a’ Mhod Nàiseanta”. Bidh fàilte ann bho Maggie Choinneagan , Ceann-Suidhe a’ Chomuinn ‘s thèid barrachd fiosrachaidh mu chlàradh is eile a sgaoileadh a dh’aithghearr. Bidh cèilidh ann air an oidhche aig a British Legion, Inbhir Nis leis a’ chòmhlan ainmeil, “Black Isle Ceilidh Band”. Tha sinn an dòchas gun tèid agaibh air a thighinn chun latha sònraichte seo airson cothrom còmhradh air “ Na Mòdan- An-diugh agus an t-Àm ri teachd” agus tha sinn a’ dèanamh fiughair ri ur beachdan a chluinntinn. Tha clàr-ama an cois. Ma tha ùidh agaibh ann a bhith an làthair, cur post dealain gu Fiona fiona@ancomunn.co.uk. Bidh biadh is cofaidh ri fhaotainn air an latha. Tha sinn a’ moladh an Taigh Òsta ‘Leonardo’ airson àite-fuirich far am faigh sibh ‘rate’ mu £75 B&B ach tha tòrr taighean-òsta eile mun cuairt cuideachd.
Faodaidh sibh ceistean a chur thugainn aig fiona@ancomunn.co.uk.
« Tillibh gu Mapa nam Mòdan Iondail