Talant @ Mòd Inbhir Ùige
Published: 15 Jun 2012
’S e tìde mhath agus fàilte cridheil a bh’ ann dhan h-uile duine a thadhail air Mòd Ionadail Ghallaibh is Chataibh a chaidh a chumail aig an deireadh sheachdain an Inbhir Ùige.
Shiubhail daoine às A’ Ghearasdain, Glaschu, Banbh agus na h-Eileanan an Iar airson taic a thoirt mar stiùbhardan, britheamhan is eile.
Thuirt Raymond Bremner, Cathraiche Meur Ionadail den Chomuinn, “’S e latha sgoinneil a bh’ ann agus chòrd e ris a h-uile duine. Bha mòran den fheadhainn a thàinig à àiteachan eile, a bhios an sàs ann am Mòdan Ionadail iad fhèin, ag ràdh cho àrd ’s a bha ìre tàlant na farpaisich againn. Tha pàrantan agus tidsearan air a bhi a’ dèanamh obair sònraichte leis an òigridh agus tha seo follaiseach leis an tàlant a tha sinn a’ coimhead. Tha mòran de na farpaisich againn air cuiridhean fhaighinn airson cuir a-steach airson Mòdan Ionadail eile agus thathas ag iarraidh gum brosnaich sinne iad gus seo a dhèanamh. Tha seo a’ dearbhadh dhuinn gu bheil iad cho comasach agus gu bheil duine dhan coimhead mar phàirt de saoghal nam Mòdan a-nis, leis cho soirbheachail ’s a tha iad air a bhi bho chionn ghoirid.
Tha sinn a’ moladh an comataidh agus gach neach a thug cuideachadh sam bith dhuinn, gus dèanamh cinnteach gur e Mòd shoirbheachail a bhiodh againn”
Thàinig cùisean gu crìoch le Cuirm agus Cèilidh le còmhlan Iain Aonghas MacLeòid, a ghabh pàirt cuideachd ann an cuirm ron a’ Mhòd. Ghabh Alasdair Whyte, a choisinn Bonn Òr a’ Chomuinn, agus measgachadh de na farpaisich a bhuannaich duaisean aig a’ Mhòd, pàirt anns a’ chuirm cuideachd, far an robh mòran an làthair air an oidhche.
Thàinig Còisirean Mealabhaich, an Luirg agus Inbhir Narann còmhla a sheinn dhan luchd-èisteachd a bh’ ann an Taigh-òsta Nethercliffe agus aig a’ chuirm, gus cùisean a thoirt gu crìch.
’S e am Mòd Ionadail seo an aon fhear a tha a’ leantainn cruth a’ Mhòd Nàiseanta, le bhi a’ gluasad gu diofair àiteachan gach bliadhna.
Tha e coltach gur ann am Blàran Odhar a thèid Mòd Ionadail 2014 a chumail.
- Naidheachdan as ùr
- Luchd-obrach Ùra
Published: 10 Dec 2025 - Cuairt-litir A’ Chomuinn
Published: 04 Dec 2025 - Coinneamh mu Mhòd Ionadail Pholl Iù
Published: 18 Nov 2025 - Brosnachadh le comasan sa Ghàidhlig fo phlanaichean ùra airson còisirean aig a’ Mhòd Nàiseanta Rìoghail
Published: 28 Oct 2025 - Tha na cùirtearan a’ dùnadh air a’ Mhòd Nàiseanta Rìoghail ann an Loch Abar is e air an t-slighe a Ghlaschu ann an 2026
Published: 18 Oct 2025 - Seinneadairean a’ dèanamh eachdraidh aig a’ Mhòd Nàiseanta Rìoghail
Published: 17 Oct 2025
- Luchd-obrach Ùra
Proudly Sponsored By
Sangobeg Investments Ltd
BBC Alba
Caledonian MacBrayne
SQA
The Scottish Government
Bòrd na Gàidhlig
Creative Scotland
Event Scotland
