Naidheachdan
Fàilte air atharraichean ann an trì prìomh fharpaisean aig A’ Mhòd Nàiseanta Rìoghail
Published: 26 Mar 2026
Tha Am Mòd Nàiseanta Rìoghail air atharraichean cudromach fhoillseachadh ann an trì prìomh fharpaisean: Am Bonn-òir, Bonn-òir an t-Seann Nòis agus An Aigeallain Airgid.
Ag amas air iarrtasan a leudachadh is taic a chumail ri farpaisich, cha chuir Am Mòd comharran ro-fharpaisean na madainne ri comharran na cuairtean deireannaich feasgar gus na toraidhean mu dheireadh a dhèanamh.
Cha tèid comharran ro-fharpaisean na madainne a thoirt air adhart dha na cuairtean deireannaich, ach bidh iad fhathast an lùib na farpaisean, gus na seinneadairean a thèid air adhart dha na farpaisean deireannaich a thaghadh.
Le amasan cothromachadh a leasachadh, inbhe na farpaisean a ghlèidheadh agus seinneadairean a bhrosnachadh, tha luchd-eagrachaidh A’ Chomuinn Ghàidhealaich airson tàlant fhàs agus dearbhadh gun còrd am Mòd ris a h-uile duine a tha an sàs.
Tha na farpaisean cliùitich seo, a tha bliadhnaichean mòr a dh’aois, aithnichte fad ’s farsainn mar na h-urraman as fheàrr ann an seinn Gàidhlig.
Chan eil ach buannaiche fireann is buannaiche boireann ainmichte gach bliadhna, is mar sin tha na farpaisean teann agus iad a’ comharrachadh sàr-mhathas, le iomadach seinneadair ainmeil Gàidhlig air cliù a chosnadh agus dreuchd a thòiseachadh an dèidh soirbheachas aig a’ Mhòd.
Tha na tachartasan am measg mòran a bhios a’ comharrachadh is a’ glèidheadh cànan, cultar is seinn Gàidhlig, mar àrd-ùrlar far an tèid tàlant air leth a lorg is a thaisbeanadh.
Thuirt Peigi NicIllinnein, Àrd-oifigear a’ Chomuinn Ghàidhealaich: “Aithnichidh sinn an uallach a th’ oirnn àrainneachd brosnachail, taiceil is in-ghabhalach a chruthachadh dha na seinneadairean air fad, gu h-àraidh an ath ghinealach. Ann a bhith a’ toirt air falbh comharran na ro-fharpaisean bho na cuairtean deireannaich, ’s e ar n-amas cuideam a lùghdachadh gus daingneachadh gun còrd am Mòd ri gach aon.
“Tha sinn ag iarraidh gum bi a h-uile seinneadair cofhurtail is gun leasaich iad na sgilean aca tro na farpaisean. Tha fòcas againn air misneachadh a bhrosnachadh is gun còrd e ri daoine, agus aig a’ cheart àm a’ cumail feumalachdan tàlant gus soirbheachadh aig an ìre as àirde.”
Tha 133 Mòdan Nàiseanta Rìoghail air a bhith ann agus ’s e prìomh fhèis na h-Alba a’ comharrachadh cànan, cultar, spòrsa agus na h-ealain Gàidhlig.
A bharrachd air na farpaisean, bidh prògram an iomaill air leth ann eadar cuirmean-ciùil, cèilidhean, bùthan-obrach, òraidean agus seiseanan.
Bheir am Mòd buannachdan eaconamach is cultarail dha na sgìrean anns am bi e, a’ leasachadh is a’ togail inbhe na Gàidhlig ann an Alba an latha an-diugh.
Bidh Mòd Nàiseanta Rìoghail ann an Glaschu am bliadhna eadar 9mh is 17mhDàmhair 2026.
Dùnaidh iarrtasan Didòmhnaich 31d Cèitean.
Gabhaidh iarrtasan a chlàradh an seo.
« Back to Mòd News List
- Naidheachdan nam Mòdan Ionadail
- Coinneamh mu Mhòd Ionadail Pholl Iù
Published: 18 Nov 2025 - Mòd Ionadail Ùr ann am Moireibh is ìomhaigh na Gàidhlig a’ fàs
Published: 29 Sep 2025 - Mòd Chille Bhrìghde an Ear 2025
Published: 05 Jun 2025 - Soirbheachas Co-labhairt nam Mòdan Ionadail 2025
Published: 03 Mar 2025 - A’ Chiad Mòd Ionadail ann an Siorrachd Lannraig a Tuath
Published: 24 Feb 2025
- Coinneamh mu Mhòd Ionadail Pholl Iù
- Naidheachdan a’
Mhòid as ùr- Fàilte air atharraichean ann an trì prìomh fharpaisean aig A’ Mhòd Nàiseanta Rìoghail
Published: 26 Mar 2026 - Riaghailtean Mòd Nàiseanta Rìoghail Ghlaschu 2026
Published: 03 Mar 2026 - Am Mòd Nàiseanta Rìoghail a’ tilleadh dhan Òban ann an 2028
Published: 25 Feb 2026 - Iarrtasan Mòd Nàiseanta Rìoghail Ghlaschu 2026 a’ fosgladh
Published: 04 Feb 2026 - Am Mòd Nàiseanta Rìoghail air buannachd eaconamach £3.9 millean a thoirt do Loch Abar
Published: 19 Jan 2026
- Fàilte air atharraichean ann an trì prìomh fharpaisean aig A’ Mhòd Nàiseanta Rìoghail
Proudly Sponsored By
Sangobeg Investments Ltd
BBC Alba
Caledonian MacBrayne
Teisteanasan Alba
The Scottish Government
Bòrd na Gàidhlig
Creative Scotland
Event Scotland
