An Comunn Gàidhealach - Royal National Mod : ACG News

Dachaidh
Mu ACG
Naidheachdan
Mòdan Ionadail
Mu Mòdan Ionadail
- Dates
- Map
- Naidheachdan
- Co-labhairt
Naidheachdan Mòdan Ionadail
- Cinn-latha 2024
  
  11 Apr 2024
  
  Cuimhnichibh gu bheil liosta cinn-latha Mòdan Ionadail 2024 an seo. Gheibhear mapa a’ ...
  Tuilleadh
- Mòdan Ionadail 2024
  
  11 Apr 2024
  
  Ma tha sibh air cinn-latha airson na Mòdan Ionadail agaibh a chur air dòigh no ma tha ...
  Tuilleadh
- Mòd CATAIBH IS GALLAIBH
  
  04 May 2023
  
  Theid Mòd Ionadail Chataibh & Ghallaibh a chumail air an 3mh den t-Ògmhìos 2023 anns a’ ...
  Tuilleadh
An Òbain 2024
- Clàr Eagair
- Ceartachadh air Òrain Ainmichte
Am Mòd Nàiseanta Rìoghail
Mu Am Mòd Nàiseanta Rìoghail
Naidheachdan a' Mhòid Nàiseanta
- 3 Seachdainean Ri Dhol!
  
  10 May 2024
  
  Chan eil ach TRÌ seachdainean air fhàgail airson clàradh airson farpaisean Mòd Nàiseanta ...
  Tuilleadh
- 4 Seachdain Ri Dhol
  
  03 May 2024
  
  Chan eil ach 4 seachdain air fhàgail gus clàradh airson Mòd Nàiseanta Rìoghail 2024! ...
  Tuilleadh
- Gàidhlig Do Ghnìomhachasan An Òbain
  
  02 May 2024
  
  Beagan Gàidhlig a bhios feumail dhan gnìomhachas agaibh! Tha Ionad Fuaran agus Mòd an Ò...
  Tuilleadh
Bùth
Cur fios gu

Baile-mòr Eabhraig Nuadh gu bhith a’ taisbeanadh a’ chiad fharpais òrain Ghàidhlig a-riamh le Mòd na Seachdaine Thartain

Published: 09 Mar 2023

Bidh Mòd Seachdain Thartain NYC a’ gabhail àite airson a’ chiad uair a-riamh as t-Earrach agus Seachdain Thartain NYC, an cruinneachadh cultarach Albannach bliadhnail as motha ann an NYC, a’ toirt aoigheachd don chiad fharpais òrain Ghàidhlig a-riamh ann an comharrachadh air an 25mh Ceann-bliadhna aig Seachdain Thartain NYC air Latha Nàiseanta an Tartain.

Thèid an tachartas dà-latha a chumail ann an co-bhonn leis A’ Chomunn Ghàidhealach, air a bheil dleastanas airson a’ Mhòid Nàiseanta Rìoghail, agus bidh e fo stiùir Joy Dunlop, Buannaiche Bonn Òir is preasantair SpeakGaelic aig BBC Alba. Tha e a’ comharrachadh a’ chiad uair a bhios Mòd a’ gabhail àite ann am Baile-mòr Eabhraig Nuaidh.

Thathar a’ toirt cuireadh do sheinneadairean bho air feadh Aimeireaga a Tuath, Alba agus nas fhaide air falbh, com-pàirteachadh ann am farpaisean an tachartais eachdraidheil seo a bhios air a chumail ann an Taigh Poblach an Tàilleir air Diardaoin 13 Giblean.

Chì an tachartas seinneadairean aois 16+ bliadhna a’ seinn aon de shia òrain Ghàidhlig ainmichte, no an roghainn fhèin de dh’òran Gàidhlig, air beulaibh pannal de bhritheamhan. Thèid am buannaiche a chrùnadh (Bana)-G(h)aisgeach Mòd Seachdain Thartain NYC 2023, le duais airgid fo urrasachd Club Chailleannach Eabhraig Nuadh agus gheibh am buannaiche cuireadh gu com-pàirt a ghabhail ann an Cèilidh Ro-Chaismeachd Seachdain Thartain Club Chailleannach NYC.

Air Diciadain 12 Giblean, chithear an tachartas a’ tòiseachadh le sreath de bhùithtean-obrach ann an cànan is cultar na Gàidhlig, a’ gabhail a-steach òrain, ceòl ionnsramaidean, dannsa-ceum agus dannsa cèilidh.

Bidh na subhachasan air an togail le Mac TV airson prògram aithriseach a thèid a-mach nas fhaide air adhart am-bliadhna. Leanaidh e Joy fhad ’s a tha i a’ siubhal tarsainn a’ Chuain Shiar gus spiorad, togarrachd agus càirdeas a’ Mhòid a cho-roinn agus bruidhinn ri Aimeireaganaich aig a bheil ceangal ri Alba mu dheidhinn cudromachd a bhith a’ comharrachadh na Gàidhlig agus an dualchais.

Tha am Mòd Nàiseanta Rìoghail a bhios a’ gabhail àite ann an diofar àiteachan ann an Alba san Dàmhair gach bliadhna, mar am prìomh thachartas ann am mìosachan na coimhearsnachd Ghàidhlig agus is i an fhèis bhliadhnail seo an cruinneachadh as motha de dh’òrain, ceòl, agus cultar na Gàidhlig air an t-saoghal. Bidh còisirean, buidhnean, ceòl-ceathrair, ceòl-càraid, aon-neach, cleasaichean agus ceòladairean a’ farpais aig a’ chruinneachadh fad-sheachdain seo, le buannaichean nam farpaisean seinn agus ciùil a’ dol air adhart a thoirt mòr-thlachd do luchd-èisteachd air feadh an t-saoghail.

Thuirt Joy Dunlop: “Tha traidisean a’ Mhòid air tlachd a thoirt dhuinn ann an Alba thairis air còrr agus 100 bliadhna, agus tha sinn cho moiteil a bhith a’ toirt an tachartais seo gu NYC airson a’ chiad uair. Is e dòigh bhrèagha a
th’ ann air ar coimhearsnachd agus ar n-eachdraidh a chomharrachadh, agus a’ phàirt chudromach seo de ar cultar a chumail a’ soirbheachadh air gach taobh den Chuan Shiar.”

Thuirt Seumas Greumach, Àrd-Oifigear a’ Chomuinn Ghàidhealaich: “Is e am Mòd Nàiseanta Rìoghail an comharrachadh as motha a th’ ann air a’ Ghàidhlig, mar sin bha e a’ faireachdainn ceart gun deigheadh sinn ann an com-pàirt le cruinneachadh cultarach Albannach bliadhnail Aimeireaga a Tuath. Tha e mìorbhaileach a bhith a’ faicinn Seachdain Thartain NYC a’ toirt a mhòd fhèin beò air taobh eile a’ Chuain Shiar airson tachartas a bhios na
chothrom air leth do luchd-labhairt na Gàidhlig thall-thairis gu com-pàirteachadh ann am farpais seinn sa Ghàidhlig. Tha a leithid de chomas aig a’ phròiseact pìleit seo agus tha sinn a’ coimhead ri leantainn air adhart a’ cur fàs air a’ chàirdeas seo sna bliadhnaichean ri teachd.”

Tha Seachdain Thartain NYC 2023 agus Caismeachd Latha Tartain NYC air an eagrachadh le Comataidh Eabhraig Nuadh de Latha Nàiseanta an Tartain le taic bho Bùth Alba, Belhaven, NHSCOT, Riaghaltas na h-Alba, Lìonra Gnothachais na h-Alba, Comann Sloinnteil is Beath’-eachdraidheil Eabhraig Nuadh agus Compliant Global.

Tha Mòd Seachdain Thartain NYC a’ faotainn taic bho Chlub Cailleannach Eabhraig Nuadh, Taigh Poblach an Tàilleir, Lìonra Gnothachais na h-Alba agus An Comunn Gàidhealach. Airson tuilleadh fiosrachaidh, tadhailibh air www.nyctartanweek.org/mod.

Bidh am Mòd Nàiseanta Rìoghail a’ gabhail àite ann am Pàislig bho 13-21 Dàmhair 2023. Tha cothroman tagraidh fosgailte a-nis aig www.ancomunn.co.uk.