Inbhir Pheofharain
Mòd ùr do dh’ Inbhir Pheofharain air a dhearbhadh!
Chaidh Mòd Ionadail às ùr fhoillseachadh bho chionn ghoirid. Thèid Mòd Ionadail Inbhir Pheofharain a chumail air an 7mh den t-Sultain 2024, bidh am Mòd Ionadail ùr nodha seo a’ nochdadh com-pàirteachas eadar An Comunn agus Fèis Rois, a’ tabhann ghnìomhachdan ciùil neo-fharpaiseach còmhla ri farpaisean traidiseanta. Tha an co-obrachadh às ùr seo a’ dearbhadh dealas bhuidhnean Gàidhlig a bhith ag obair còmhla ann an adhartachadh dualchas agus cultar saidhbhir na h-Alba ann an dòighean a tha spòrsail agus ruigsinneach do na h-uile.
Thuirt Steven MacÌomhair, Cathraiche Meur Inbhir Pheofharain “Tha an Comataidh Ionadail agus mi fhìn air leth toilichte Mòd Ionadail Inbhir Pheofharain a chur air a chasan a-rithist, an dèidh beàrn de mu 20 bliadhna. Is e ar prìomh adhbhar àrd-ùrlar eile a thabhann do chloinn, an dà chuid ann am foghlam tro mheadhan na Gàidhlig agus foghlam luchd-ionnsachaidh na Gàidhlig, gus an cuid Gàidhlig a chleachdadh agus am fileantachd a leasachadh taobh a-muigh a’ chlasruim. Tha am Mòd a’ toirt cothrom mìorbhaileach air an eachdraidh agus an cultar saidhbhir a chomharrachadh tro fharpais chàirdeil, agus tha sinn airson an cothrom prìseil seo a thoirt do gach neach, ach gu h-àraidh don ath ghinealach de luchd-labhairt na Gàidhlig. Tha e brosnachail a bhith a’ faicinn a leithid de thaic bhon choimhearsnachd ionadail ann an ath-stèidheachadh a’ Mhòid Ionadail agus tha sinn a’ coimhead air adhart gu mòr ri bhith ag obair ann an com-pàirteachas le càch, gus tachartas soirbheachail a chruthachadh a leanas air adhart a’ stiùireadh leasachadh na Gàidhlig.”
Tha sgioba A’ Chomuinn Ghàidhealaich air leth toilichte gu bheil Mòd Ionadail ùr gu bhith againn am bliadhna agus tha sinn a’ guidhe gach soirbheachas dhan Chomataidh le Mòd na bliadhna seo!
« Tillibh gu Mapa nam Mòdan Iondail
Mòdan Ionadail
Proudly Sponsored By
Sangobeg Investments Ltd
BBC Alba
Caledonian MacBrayne
SQA
The Scottish Government
Bòrd na Gàidhlig
Creative Scotland
Event Scotland
